Posted by: ekolevizja | May 13, 2014

Kryesenatori: Vellezerit Koch, miliardere nafte, nder shkaktaret e ndryshimeve klimatike

Nga Rita Strakosha

Sipas Huffington Post, kryetari i senatorëve demokratë në SHBA, Harry Reid akuzoi javën e kaluar miliarderët e naftës, vëllezërit Charles dhe David Koch, duke i quajtur si një ndër shkaqet e ndryshimeve klimatike.

Shtëpia e Bardhë sapo ka botuar një raport të detajuar mbi ndryshimet klimatike dhe pasojat e tyre. Reid i quajti gjetjet e raportit si të tmerrshme.

“Vëllezërit Koch e pranojnë se nuk janë ekspertë në këtë fushë, por këta miliarderë nafte janë shumë ekspertë në kontributin ndaj ndryshimeve klimatike,” tha Reid. “Këtë dinë ta bëjnë shumë mirë. Janë një ndër shkaqet kryesore të saj.”

Një studim i Universitetit të Masaçusetsit i vitit 2013 ka treguar se fabrikat Koch janë ndotëset më të mëdha në SHBA.

“Charles dhe David Koch janë në luftë me këdo që mbron mjedisin. Mund të duket absurde, por është e vërtetë,” deklaroi ai. “Këta dy miliarderë nafte po bëjnë fushatë të nxehtë, po shpenzojnë shumë para kundër gjithçkaje që do të kufizonte ndotjen, do të pakësonte vartësinë tonë nga burimet fosile apo kostot e energjisë për familjet e thjeshta.”

Vëllezërit Koch janë ndër sponsorizuesit më të mëdhenj të politikanëve republikanë dhe janë akuzuar shpesh nga mjedisorët se sponsorizojnë OJF dhe aktivistë që të shpërndajnë keqinformime mbi ndryshimet klimatike.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: